விரல்களில்
தர்ப்பணமோதிரம்
சம்பந்தி எள்ளு
ஒரு
டேபிள்ஸ்பூன்
வலது
உள்ளங்கை நடுவே
,
தென்னங்காய்
உடைபட்ட ஒருபாதி
திணித்த
இடக்கை.
,
சம்ஸ்கிருத. மந்திரம்
பிஜி எம் மில்
சப்தமிக்க
செம்புத்தண்ணியை
தர்ப்பணமோதிர விரல்
தாரைவார்க்க
,
கோத்ரம்
சிவகோத்ரம்
ராசி
மீனம்
நட்சத்திரம்
ரேவதி
பித்ருக்களோட
பேர் சொல்லுங்கோ
,
பள்ளிக்கூட பிள்ளைகளாய்
பத்துபேரு கொண்ட பிரிவில்
குப்புசாமி முதலியார்
சொக்கலிங்க செட்டியார்
ராமு நாயக்கர்
சென்னாரெட்டி
வேலம்மாள்
ரோஸ்நாயுடு
சொரிமுத்துநாடார்
ஏழுமலை…
,
மஹாளய அமாவசை
திதி கொடுத்ததில்
மகாலயத்தில்
சாதிப்பெயர் சங்கமம்
,
மஞ்சள்தோய்ந்த
நெல்லரிசி பொட்டு
பவ்யமாய்
தலைகுனிந்து
நெற்றி காண்பித்த வினாடிகளில்
,
கலசத்துக்கு
கற்பூரமேற்றி
தீர்த்தத்தை தலைமேல்
தெளித்து
நெகிழிபாட்டில்களில்
தீர்த்தம் பிடித்து
,
நல்லபடியாய்
கற்பூரம் கண்ணில் ஒற்றி
முடிந்தது பத்துபேர்குழு
இனி
அடுத்தவருடம்
சாதிப்பெயர்
வாலாயமாக சங்கமிக்கும்.
000
சூர்யமித்திரன் இ.செல்வராஜ்.இயற்பெயர். புனைப்பெயர் சூர்யமித்திரன். 1983 முதல் எழுதி வருகிறேன். படைப்புகுழுமத்தின் கல்வெட்டு,கொலுசு,காற்று வெளி, நடுகல், தளம்,கணையாழி, சொல்வனம்/ஆனந்தவிகடன் காமதேனு நிழற் சாலை. இப்படியாக நிறைய இணைய இதழ்களில் கவிதை வெளிவந்துள்ளது.
