மகிழுந்தில்
செல்லும்போது
காண்பதுண்டு
;
குட்டியானை வண்டியில்
லோடு அடிக்கும்
மாடுகள்
கோமியமும்
சாணமும்
போட்டபடி
;
தான்
எங்கே பயணப்படுகிறோம்
எங்கிருந்து எங்கே
அடுத்தடுத்த கணங்களின்
சுமை ஏதும்
தெரியாது
;
புலம் பெயரும்
ஜீவன்கள்
;
மணிக்கணக்காக
பக்கவாட்டு உரசலும்
மருட்சியான விழிகளும்
பரிதாபத்தின் உச்சங்கள்
;
இந்த இம்சைகள்
விலங்கின
பாதுகாப்பு அம்சங்களில்
ஏமாற்றப்படுகிறதா
;
கோமாதாக்களும்
முரட்டுக்காளைகளும்
ஆறறிவை நுகர்ந்தால்
நாடுகொள்ளாது
;
தனித்தனி அறைகளில்
ஜீவ இம்சை இன்றி
அழைத்துச்செல்ல
ஆசைதான்
;
திருந்தாத
ஆறறிவு ஜீவன்களுக்கு
அரசு பாடம்
எடுக்கட்டும்.
00
சூர்யமித்திரன் .
கவிதை சிறுகதை கட்டுரை என பல்வேறு சிற்றிதழ்களிலும் பேரிதழ்களிலும் நாற்பத்திநான்கு ஆண்டாக எழுதிவருகிறார். சூர்யமித்திரன்.
