GST ரோடு- திருப்பரங்குன்றம்
————————————————————-
16ஆண்டுகளுக்குப்பிறகு….
ஸ்கூட்டியும்
ஸ்பெலண்டரும் மேம்பாலத்தில்
நேருக்கு நேர் சந்தித்துக் கொண்ட க்ஷணத்தில்
,
அம்மேம்பாலம் சுக்குநூறானது
,
மேம்பாலம் துவங்கிய இடத்தில் பூக்களை உதிர்த்தபடி
ஒரு புளியமரம் நின்றிருந்தது
,
அதனருகே கீற்று வேய்ந்த
பெட்டிக்கடை
அதன் மரபெஞ்சில் சைக்கிள் மிதித்த
களைப்பை மறைத்து கன்னித் தீவு வாசிப்பதாய்
பாவ்லா செய்து கொண்டிருந்தது ஸ்பெலண்டர்
,
ஸ்பெலண்டர் இருப்பதைக்
கண்டும் காணாமல்
ரெட்டைஜடைப்பின்னலை சரிசெய்தவாறு
ராயல் என்ஃபீல்டை ஏறிட்டு
பகுமானமாய்ப் போனது ஸ்கூட்டி.
000
காவல்தெய்வத்தின் கதை
————————————————
கண்கள் நிலைகுத்த
கன்னத்தில் கைபதித்து உற்சாகத்தோடு
‘ஊங்’ கொட்டிய கடைசிச் சீவனும் காலாவதி ஆகிவிட
,
கதைகள் அனைத்தையும்
கைப்பற்றி அழைத்துப் போய்
ஆழ்கிணற்றில் வீழ்ந்தான் ஆஜானுபாகுவான
கதைசொல்லி
,
சனம் பதறி குத்தத்திற்காய் பரிகாரம் தேட அன்று தொட்டு
எட்டாம் நாள்
,
கதைகளும்
கதைசொல்லியும் உயிர்த்தெழ பரிவாரங்களாயின
கதைகள்-
காவல் தெய்வமானான் கதைசொல்லி
,
பிறகென்ன ‘ஊங்’ கொட்ட ஊரே
திரண்டது ஊதுபத்தி சூடத்தோடு.
===
