வாகையும் எருக்கஞ்செடிகளும்
பூத்திருக்கும் நாளில்
,
வெளியூரிலிருந்து வந்தவர்களுக்கே
உணவு கிடைத்தது
இலக்கிய கூட்டத்தில்
,
விரும்பியது கிடைக்காத
ஏக்கப் பெருமூச்சுடன்
பயணத்தின்
கசக்கசப்பு நீங்க
படியில் நின்றேன்
,
டிக்கெட் எடுத்திட்டீங்களா?
எடுத்து காண்பித்தேன்.
,
எனது வயிற்றை மேலிருந்து
கீழாக வருடி
சும்மா விளையாட்டுக்கு கேட்டேன் என்றார்
,
சிரித்துக்கொண்டேன்
,
வேலை முடித்து வீட்டிற்கா?
எங்கே இருக்கீங்க?
அடுக்கடுக்கான கேள்விகளில்
யாரிவர் என்ற யோசனை
,
சொன்னால்
நானும் கலந்து ஐக்கியமாவேன்
,
போன் நம்பர் கொடுத்தால்
பேசுவேன்
கலப்புற்று மகிழலாமே என்றெல்லாம்
சமிக்ஞை கொடுத்தார்
,
என்னைப் பார்த்து ஏன் கேட்கிறார்.
யோசனையில்
,
முன்னாடி நிறுத்தத்திலேயே
இறங்கிவிட்டேன்.
,
படியில் நின்றபடியே
பொறவு எப்ப சந்திக்கலாம்
மாரியம்மன் கோவில்தானே
நானே வாரேன் என்றாள்
,
சினிமா விளம்பரத்தில்
டோரதி சிரித்தார்
,
தவறவிட்டு விட்டேன்
தொடரும் பயணத்தை
என்றது மனம்.
00
துவாரகா சாமிநாதன்
கல்லூரி பேராசிரியராக பதினெட்டு ஆண்டுகால பணி. புடுதுணி கவிதை தொகுப்பு, ’வாத்து’ ’மூக்குத்தி’ ஆகிய இரண்டு சிறுகதை தொகுப்பு, ’ஆய்வாளன்’, சப்த கன்னிகள்- நாவலும் முன்பாக வெளிவந்துள்ளது. கற்பி கல்விப்பேரியக்கம் நிறுவனம், வேதா அறக்கட்டளை நிறுவனங்களின் தலைவராக இருக்கிறார். சொந்த ஊர் முத்துப்பேட்டை. (திருவாரூர் மாவட்டம்) புதுக்கோட்டையில் வசித்து வருகிறார்.
