துங்கன் கவிதைகள்

தம்பி…

வாங்க ஒரு தம்ப்போட்டு வரலாம் என்றார்

இல்லைங்கண்ணா பழக்கமில்லை என்றேன்.

இந்த புத்தகம் படிங்கண்ணா என்றேன்

இல்லை தம்பி பழக்கமில்லை என்றார்.

மீண்டும் தம்பி என்று ஆரம்பித்து பழக்கமில்லைன்னுதான சொன்னீங்க வேண்டாம்னு சொல்லுலியே என்றார்.

அதையே நானும் சொன்னேன்.

பக்கங்களின் சத்தமும்

புகையுமாக நிறைந்தது

நாங்கள் இருந்த அந்த இடம்.

ரசீதுச் சீட்டுக்கொடுத்து உண்மையான எழுத்துக்களை உருவாக்கிக் கருணையைப்

பிரச்சாரம் செய்துக் காசு சம்பாரிப்பவன்.

முகம் மழித்து, சேலையுடுத்தி

உள்ளே ரெண்டுக் கொட்டாம்புச்சி வைத்து கடவுளாக மாறி

காசு சம்பாரிப்பவன்

நேற்று இடது காலிலும்

இன்று வலது காலிலும் அடுத்தடுத்த நாட்களில் கை, தலையெனக் கட்டுப்போட்டுக் காசு சாம்பாரிப்பவன்

குழந்தைகளிடம் பொருட்களைக் கொடுத்து இரக்கத்தை முதலீடுச்செய்து

இரக்கமற்றுக் காசை சம்பாரிப்பவன்

கழிவறைக்குள் பெண்ணை அம்மணமாக சித்திரம் வரைந்து

நிர்வணமற்ற காசு சம்பாரிப்பவன்

இரவு ரோட்டு ஓரத்தில்

நடிகைகளின் உடையணிந்து

முலையில் பாதியும்

தொடையில் மீதியுமாக

நின்று காசு சம்பாரிப்பவன்

இதெல்லாம் நான் சொல்லும்போதே

நீங்கள் என்னை அடையாளப்படுத்திவிடலாம்

யாரையும் எக்கணத்திலும் ஏமாற்றாத

மனிதனாக வாழ்கிற எளியவன் நானென்று.